Servicio Municipal Lagunak / Lagunak Udal Zerbitzua
Lagunak Udal Zerbitzuak aire zabaleko bi tenis-pista ditu.
Instalazio honetan txapelketak eta tenis-ikastaroak egiten dira; bestalde, abonatuek erreserbak egin ditzakete arautu gabeko kirol-moduan aritzeko.
Instalazioa erabiltzen dutenak erantzule dira beren erreserbak iraun bitartean gertatzen denaren inguruan, eta ez dute utziko identifikatu gabeko pertsonak sartzen. Edozein arazo izanez gero, atezaindegian eman beharko dute horren berri.
Pista erabiltzeko, beharrezkoa da erreserba egitea eta giltza eskatzea atezaindegian, abonatu-txartela erakutsi eta gero. Erabili ondoren, pista itxi eta giltza atezaindegian itzuli behar da.
Atezaindegian eskatu behar da argiak pizteko.
Tenis-pista atezaindegian erreserbatu behar daerabili baino bi egun lehenago. 19:30ean argitaratzen da erreserben orria eta soilik erreserba presentzialak hartuko dira. Erreserba bat baino gehiago badaude ordu jakin baterako zozketa eginen da. Une horretatik aurrera, eskatutako ordena berean emanen dira erreserbak.
Telefono bidezko erreserbak ere onartzen dira egun bat lehenago egiten badira.
Abonatuek edo instalazioaren erabiltzaileek ezin izanen dute pista erreserbatu beren azken erreserbatik 48 ordu igaro arte. Pista erabiltzeko eskatzen duten unean pista libre izanez gero, arau horrek ez du baliorik izanen.
Erreserba egiteko orrian jokalari guztien izenak eta abonatu-zenbakiak idatzi beharko dira.
